EMPANADAS DE (F)IGO
Ingredientes:
250 g (f)igos sekos
1 taza de nuez
1,5 vazo de agua
½ vazo de asukar
Se mete los higos al mojo de la noche. Los (f)igos se kocinan kon agua i asukar. Se akolan los igos i se parten de medio para reyenarlos kon la nuez.
ALBORNIA
Ingredientes
750 gr berendjenas
1 sevoya
400 gr tomates
1 pimenton
3 dientes de ajo
2 kucharikas de asucar
sal
Munda las berendjenas y kortalas en rodendas. Meterlos en un eskuridor con sal godra. Kortas la sevoya i el pimenton en kuadrikos chikos.
En una kaserola kayentar azeite i sofrir la sevoya i el pimenton.
Kitar la piel de los tomates i kortarlos en pedasikos i agregar al a kaserola con l’asukar. Deshar gizar suavemente.
Lavar las berendjenas con agua kayente i meterlas en la kaserola. Machekar los ajos kon sal i agregarlos en la kaserola. Deshar gisar durante 30 minutos.
BISCOCHOS DE MIEL
Ingredientes:
1 tasa de asukar
1 tasa de azeite
rayadura de limón
1 kucharika de polvo bikarbonada
2 kucharas de miel
50 gr. de pasikas
750 gr de harina
4 guevos, separadas los blankos de las yemas
1 yema para untar enriva de los biskochos
Preparación:
Batir los blankos a punto de nieve, agregar el asukar i dospues las yemas.Agregar la rayadura de limón, la miel, el azeite, las pasikas i la harina ke esta mesklada kon el polvo bikarbonada.
Formar los biskochos kon las manos lejeramente engrasadas en aseite. Formar biskochikos ovalados i meterlos sovre un palyon de orno kuvrido kon papel de aluminio engrasado kon azeite. Untarlos kon la yema i meter al orno a 200 grados hasta dorar.
BISCOCHOS
Ingredientes
2 guevos
¼ kupa de agua
1 kupa de asukar
1 kupa de azete
Harina
1 kucharika de soda karbonada
1 bolsika de vanilya
Los guevos lon l'asukar se bateyan muy bueno
Quando se aze kom una krema se mete alzeyte i agua. Bateyar de muevo.
Se mete lo ke toma de harina, soda bikarbonada i vanilya.
Se ase una masa no muy dura
Se da forma de sirkolos (karusas).
se mete al orno 180 grados.
DULSE DE BIMBRIYO
MOGADOS DE ALMENDRA
Ingredientes:
250 gr. de asukar
½ tasa de harina
4 guevos
4 tasas de almendras peladas i molidas (400 grs.)
½ cucharika de esensia de vainilya
Prekayentar el orno a 150° . Engrasar el palyon de orno. Batir el asukar, la harina, las almendras, la vainilya los guevos a basha velosidad.
Kon una kucharika, ir metendo en el palyon, chikas porsiones de la masa, bien separadas. kon un piron mojado en agua ir aplastando la masa.
Meter al orno hasta dorar un poco, unos 15 minutos.
MUSTACHUDOS 1
MUSTACHUDOS 2
Ingredientes
1 ½ kupas de muez molida
½ kupa de asukar
1 guevo
½ kupa de harina
-Un poko de kanela
asukar en polvo
Se bateya el guevo i se meskla con la muez, asucar, harina, la kanela
Si la masa es muy dura se puede adjustar un poko de agua
se mete la masa en un paylon, i se koze a temparatura basha
se toma del fuego i se desha un poko a yelar
Se aranka pedasikos i se da la forma
Se mete asukar en polvo enriva
TISHPISHTI
Ingredientes
2 tasas de semolina (o 1 tasa de semolina 2 tasas de harina)
½ tasa de almendras o muezes molida
½ kucharika de kanela
1 kuchara de soda bikarbonada
6 guevos - apartados los blankos i las yemas
1 tasa de asukar
½ tasa de azeyte
2 kucharas sumo de limon
2 kucharikas kashkaras de limon rayidas
una pincha de sal
Sirop
2 tasas de asukar ( 1 tasa de asukar i 1 tasa de miel)
1 tasa de agua
2 kucharikas sumo de limon
Kayenta el orno a 175 grados.
Se meskla la semolina, las muezes, la soda i la kanela.
Bateya l'asukar i las yemas de guavo hasta que se ase una krema. Adjunta l'azeyte el sumo de limon il las kashkaras rayidas. Adjunta la meskla de semolina.
Bateya los blankos de guevo con la pincha del sal hasta que yega a ser tieso. Adjunta los blancos del guevo a poko a poko en la meskla.
Vazya la meskla en el palyon preparado, mete al orno durante de 45 minutos.
Entre mientes prepara el sirop.
TOMATES REYNADOS
Ingredientes
8 tomates
1 diente de ajo
pan rayado
preshil
azeyte
sal i pimienta
1 guevo duro rayado
Korta los tomates a lo largo i vazyalos con una kucharika. Rekoja en un plato lo ke fue sakado i meskla con ajo, preshil pikado, azeite i sufisiente pan rayyado para formar una goma. Sal i pimienta a gusto i reyena los tomates. Mete los tomates reynados en un palyon para orno azeitado. Agrega uans kuantas gotas de azeite sovre cada tomat i kosina a orno mediano. Se puede servir kayentes o frios con guevo rayado enriva
TRAVADOS
Ingridientes
Para la masa
1 kupa de azete
½ kupa de agua
kanela
½ kupa de asukar
2 kucahrikas de baking powder o baking soda
arina –la kantidad ke toma la masa
El gomo
muez molida
asukar
kanela
El sirop
1 kupa de miel
1 kupa de agua
1 kupa de asukar
Se meskla la agua la azete i el asukar. Se adjusta la harina kon el baking powder oara azer una masa no muy dura.
Se toma pedasikos del masa, se avre kon la mano ,se mete el gomo i se dupla en dos o se da la forma kon una kupa chika apretando enriva de la masa ke esta dublada.
Se mete al orno
Se aze un sirop i se pasa los travados en el sirop kalyente. Se da una buyida i se kitan los travados kon una kucahra para meterlos en un plato.
Quando todos los travados son pasados en sirop se mete el sirop enriva de los travados