Keftes De Patata Kon Karne

KEFTES DE PATATA KON KARNE
Materiales (6 porsiones):
7-8 patatas grandes
300 gramos de karne mulida
2 guevos
sal a gusto
arina o migas de pan
azeyte para friyir
Preparasion:
Mundar, lavar i eskaldar las patatas. Kuando estan bien blandas azerlas puree i desharlas yelar un poko. Adjustar la karne i la sal i finyir asta ke se obtiene una meskla omojena.
Kon manos umidas tomar balikas de la grandor de un guevo i entre las dos manos formar las keftes. Untarlas en la arina i el guevo i friyirlas en la azeyte ke ya fue kaentada de antes. Meter las keftes sovre un papel absorbiente para embever la azeyte i servirlas kaentes.

Unless otherwise stated, the content of this page is licensed under Creative Commons Attribution-ShareAlike 3.0 License