Hommo Homini Homeini Est

Hommo homini Homeini est
mueva kompla de Purim

eskrita por Eliezer Papo

Empesar kero kontar, echas del Dio Alto,
Ke de muevo mos salvo de un ombre falso:
Ahmedinedjad.

Asta ayer su puevlo eran konosidos
Por gatos i serdjadikos, bre.
I alora s'alvanto, el sus prezindante
De barvika prove i mas poka mente,
Los kijo azerlos fuersa atomika,
d'uranium rika, el.

A la kara de maymon, le paresio nel suenyo,
Ke su ora ya le vino, de fazerse duenyo
Del Oriente Medio, ey!
No uvo remedio, mas ke avizarlo,
Ke suenyo i mesiut no son mizma koza,
Miyoyo de boza, ey!

Kada verde verdadero tiene sol'un nombre,
De famiya i d'ombre.
Ay ken se yama Ahmed, poka maravia,
I los Nedjades ya se ven, dia kada dia,
nel dunya islamiya, bre.

Tanto no es imposivle, nela guerta divina,
Ke ayga dos ermanos en mizma famiya,
D´esta nombradiya: Ahmed i Nedjad.

Loke dainda no topimos, asta este kavzo,
Ke al mizmo tiempo ´sten nel mizmo kuerpo
Ahmed i Nedjad, Nedjad i Ahmed,
Ah, ke maravia, bre.

A los grandes hechimes, ya les paresia,
Ke´l apreto del farsi es shizofrenia,
Ande se munchiguan los "yo"s, dia kada dia,
Ah ke malatia, Dio!

S'alvanto en kontra de el, otro maymon vano,
El Amerikano, men.
I su nombre Djordje el vakero,
muncho no lo kero, a el.

O'sta el bueno de Darvin, para ke los vea,
Dos alkas ke le mankavan, en su konseja beya,
Kada uno una estreya: vakero i hamal.

Ah, Dio de los sielos, mira muestro hal,
Salvamos de los mentales de karas de mona,
Sejas apegadas, nariz de trombona,
De la korta frente i mente ausente, Dio!

No deshes a estos dos, hairsizes atavanados,
A destruir a Tu mundo, puevlos i reynados, yok!
No se aga tarana de Teheran la kapitala,
Kon Tu puevlo Israel, no pase koza mala,
Tu mundo Te djura, rogan Tu ayuda, Dio!

Alhat, damla ke le kayga,
Alhat ke se vaya,
el OranGutan, AhmediNedjad.

I la sivda de Teheran saola vesameha, Dio!
A sus machos les kayeran valas de la mente,
A las mujeres, miskenot, valas de la frente, Dio!

A Ti ke sos Padre Rahaman, no te kosta mucho,
De mandar malah amamvet a este Ahmeducho,
A djinem ke lo eche, ke lo friten mucho a el.

Alhat, kapak ke le kayga; alhat, kapara ke se vaya, el.
Alhat, kapak ke le kayga; alhat, kapara ke se vaya, el.

BlinkListblogmarksdel.icio.usdiggFarkfeedmelinksFurlLinkaGoGoNewsVineNetvouzRedditYahooMyWebFacebook

Unless otherwise stated, the content of this page is licensed under Creative Commons Attribution-ShareAlike 3.0 License

Subscription expired — please renew

Pro account upgrade has expired for this site and the site is now locked. If you are the master administrator for this site, please renew your subscription or delete your outstanding sites or stored files, so that your account fits in the free plan.